"ZARA MUKURIYYE"

“ZARA MUSKURAIYYE”

MUSKURAHAT  kisi bhi insan ki shakhsiyat ki ainadar samjhi  jati he.Agr  ap kisi shakhs ki taraf dykh kr muskura den or us se hans kr baat krlein to log aapko ikhlaq ke a’ala martabey pr fa’aiz smjhne lgtey hn or agar kisi ki taraf dykh ker na mukuraya jae to log use maghrur or bht sakht mizaaj samajhne lgtey hn.Isilye hanste muskuratey rhna bht zaruri he.Lakin khubsurat muskurahat k lye khubsurat, saaf or chamaktey hue daant hona b nehayat ehm hn.Or is k lye zaruri he k aap jis trhan apni jismani sehat ka khayal rkhtey h nisi trhan apne daanto ki sehat ka bhi khayal rkhein or isey hr tarhan ki nuqsan pohanchane wali or badnuma krne wali cheezon se prhez karein jese cigarette naushi, chai, anti biotic dawaoun or iron ka bht ziada istemal daanto ka rang kharab krdete hn.

Daant insan k lye bari nemat hn or ghiza k lye bht ahem kirdar ada krtey hn. Humrari ghiza me sakht cheezen bhi hoti hn or naram bhi,sakht ghizaein sirf is surat me hazam hosakti hn jb inhen chaba kr, torh kr or barik kr k khaya jae,Daant ghiza ko torhney, kuchlney or peesney k kaam aatey hn.

Humare daanto ki jaro me khoon ki nasein or aisab hotey hn jinka ta’aluq nizam-e-aasab se hota he kbhi kbhi koi jarh nangi hojati he or khoon kin as ya koi asb dab jata he to daant me dard honey lagta he.Or kisi bhi waja se agr daant me khala peda hojae to bhara jasakta he lakin masorey kharab hojaein to phir koi ilaj mumkin nhi he .Masorey daanto ko jakrey rakhtey hen wo dheeley hotey hen to daant dheeley hojatey hen or aksar in se khoon nikalta rehta he isi amal se daanto ki jarein kamzor hojati hn or in me bacteria ander pohanch jatey hn,aisi surat me kisi mahir-e-dandan se ilaj karana bht zaruri he.

Agr hum apne daanto or mashoron ko lambe arsey tk sehatmand or chamakdar rkhna chahtey hn zaruri he k hr roz subah sawere ‘peelu ki jarh’ ya ‘neem ki shakh’ ya ‘keerakh ki shakh’ ki miswak se daanto ko saaf karein, is se daant or masorhey dono mazbut honge or munh ki badbu bhi rafa hojaegi isi trhan raat ko soney se phley bhi miswak krlein.

Sugar ka ziada istemal bhi daanto k lye nuqsandah he.Bht ziada sard paani, barf or tursh cheezon se bhi parhez karna chahiye.Daanto ko munasib ghiza pohanchaney k lye sabziyon ka istemal bhi ziada Karen.Sabziyon me Calcium hota he is se daanto ko ghiza milti he.

Humare deen mein muskuraney ko sadqa or safai ko nisf imaan qarar dia gaya he lehaza humarey liye HEALTHY TEETH OR HAPPY SMILE ka ahtamam nehayat naguzeer he.

“BY HIRA SHEIKH”